• 地點:臺灣
• 發布日期: 2024/03/13
• 單位:衛生福利部
• 更新日期:2024/03/13
• 點閱次數:30

အမျိုးသားကျန်းမာရေးဝန်ကြီးဌာန၏ 2021 ခုနှစ် ကျန်းမာရေးမြှင့်တင်ရေးတွက်ချက်မှု နှစ်ပတ်လည်အစီရင်ခံစာနှင့် 2017 ခုနှစ် “အမျိုးသားကျန်းမာရေး အင်တာဗျူးစစ်တမ်း” ရလဒ်များကို အခြေခံ၍ ကျွန်ုပ်တို့နိုင်ငံတွင် အသက် 18 နှစ်အထက် ကိုယ်လက်လှုပ်ရှားမှု မမျှတခြင်းနှုန်းသည် 47.3%1 အထိ ရောက်ရှိခဲ့ပြီး ရုံးဖွင့်ရက်များတွင် ပျမ်းမျှထိုင်ချိန်မှာ 6 နာရီ 2 ဖြစ်သည့်အတွက် ကျွန်ုပ်တို့နိုင်ငံရှိ အရွယ်ရောက်ပြီးသားသူများတွင် အထိုင်များသော နေထိုင်မှုပုံစံနှင့် ကိုယ်လက်လှုပ်ရှားမှုမမျှတခြင်းတို့ကို သိရှိရသည်။

2020 ခုနှစ် ကမ္ဘာ့ကျန်းမာရေးအဖွဲ့ (WHO) မှ “ခန္ဓာကိုယ်လှုပ်ရှားမှုနှင့် အထိုင်များသော အပြုအမူဆိုင်ရာ လမ်းညွှန်ချက်များ” 3 တွင် အချိန်ကြာကြာ ထိုင်ခြင်းသည် သွေးကြောဆိုင်ရာရောဂါ၊ ကင်ဆာ၊ နံပါတ် 2 အမျိုးအစား ဆီးချိုရေားါ ဖြစ်ပွားမှုတို့နှင့် ဆက်စပ်မှုရှိသည်ကို ဖော်ပြထားသည်။ သို့ဖြစ်ပါ၍ အသက် 18 မှ 64 နှစ် အကြား အရွယ်ရောက်ပြီးသူများ အပတ်စဥ် အနည်းဆုံး မိနစ် 150 ရှိသော အလယ်အလတ်အဆင့် လှုပ်ရှားမှု သို့မဟုတ် 75 မိနစ်ရှိသော ပြင်းထန်အဆင့် လှုပ်ရှားမှုများကို လုပ်ဆောင်ကြရန် အကြံပြုထားသည်။ ထို့အပြင် “အပိုင်းခွဲခြားပြီး ကိုယ်ခန္ဓာလှုပ်ရှားမှု ပမာဏကို စုဆောင်းခြင်း” နှင့် “တစ်ခါတည်း ပြီးမြောက်ခြင်း” ကျန်းမာရေးအတွက် တူညီစွာ အကျိုးပြုကြောင်းကိုလည်း ဖော်ပြထားသည်။ ဥပမာ။ ။ တစ်နေ့တွင် မိနစ် 30 အားကစားလှုပ်ရှားမှုအတွက် 15 မိနစ် 2 ကြိမ် ပိုင်းခြားနိုင်သလို 10 မိနစ် 3 ကြိမ် ပိုင်းခြားပြီး ပြီးမြောက်အောင် လုပ်ဆောင်နိုင်သည်။ အကယ်၍ အကြံပြုထားသော လှုပ်ရှားမှုပမာဏကို မရောက်နိုင်သော်လည်း ခန္ဓာကိုယ် အနည်းငယ်လှုပ်ရှားခြင်းသည် လုံးဝမလှုပ်ရှားခြင်းထက် အကျိုးရှိသဖြင့် အမျိုးသားကျန်းမာရေးဝန်ကြီးဌာနမှ အရွယ်ရောက်ပြီးသူများ ပေါ့ပါးအဆင့် ခန္ဓာကိုယ်လှုပ်ရှားခြင်းဖြင့် အချိန်ကြာကြာထိုင်ခြင်းကို အစားထိုးရန် အကြံပြုထားသည်။ ထိုမှတဆင့် တဖြည်းဖြည်း လှုပ်ရှားမှုပမာဏနှင့် ကြိမ်ရေကို တိုးချဲ့ကာ ပုံမှန်လေ့ကျင့်ခန်းလုပ်သည့်အလေ့အကျင့်ကို မွေးမြူခြင်းဖြင့် ခန္ဓာကိုယ် အလေးပိုခြင်း သို့မဟုတ် အဝလွန်ခြင်း အခြေအနေများမှ ရှောင်ရှားပါ။

ထို့အပြင် ပညာရေးဝန်ကြီးဌာနလက်အောက်ရှိ အားကစားဝန်းကြီးဌာနမှ “တရုတ်သမ္မတနိုင်ငံ 2023 ခုနှစ် အားကစား နောက်ဆုံးစစ်တမ်းအစီရင်ခံစာများ” အရ နိုင်ငံသားအများစုမှာ “အလုပ်ကြောင့် ပင်ပန်းနွမ်းနယ်ခြင်း” ၊ “အားကစားလုပ်ရန် ပျင်းရိခြင်း” ၊ “အလုပ်ကြောင့် အချိန်မရှိခြင်း” စသည့် အကြောင်းအရင်းများကြောင့် အားကစားမလုပ်ခြင်း တို့ကို ဖော်ပြထားသည်။ အမျိုးသားကျန်းမာရေးဝန်ကြီးဌာနမှ နည်းလမ်း 3 မျိုးဖြင့် ရုံးဝန်ထမ်းမှာ ပုံမှန်အချိန်တွင်လည်း ကိုယ်လက်လှုပ်ရှားမှုကို တိုးမြှင့်နိုင်ကြောင်း ဖော်ပြထားသည်။

လှေကားဖြင့် အတက်အဆင်း လုပ်ဆောင်နိုင်ပါက ဓာတ်လှေကား မစီးပါနှင့်။ ခြေထောက်ဖြင့် အထပ်အနည်းငယ် တက်ပြီးမှ ဓာတ်လှေကား ပြန်လည်စီးပြီး တက်ခြင်းနည်းလမ်းဖြင့်လည်း ခန္ဓာကိုယ်လှုပ်ရှားမှုပမာဏကို တဖြည်းဖြည်း တိုးမြှင့်နိုင်သည်။

အပြင်သွားသည့်အခါ သို့မဟုတ် ရုံးတက်ရုံးဆင်းအချိန်များတွင် စက်ဘီးများများစီးခြင်း သို့မဟုတ် ရှေ့တစ်ဂိတ်ကြိုဆင်းပြီး လမ်းလျှောက်ခြင်းဖြင့် အစားထိုးပါ။

အလုပ်လုပ်ချိန်အတွင်း မနက်ပိုင်းနှင့် ညနေပိုင်းတွင် 15 မိနစ်စီ ကိုယ်လက်လေ့ကျင့်ခန်း၊ မျက်နှာသုတ်ပဝါ လေ့ကျင့်ခန်း သို့မဟုတ် အကြောဆန့်လေ့ကျင့်ခန်းတို့ကို လုပ်ဆောင်ပြီး မိနစ် 30 အထိ ခန္ဓာကိုယ်လှုပ်ရှားမှုကို ပြုလုပ်ပါ။

ရုံးဝန်ထမ်းများအနေဖြင့် တိုတောင်းသော အချိန်များကို အသုံးပြုပြီး ခန္ဓာကိုယ်လှုပ်ရှားမှုပမာဏကို တိုးချဲ့လုပ်ဆောင်ခြင်းသည်လည်း ကျန်းမာရေးအတွက် အကျိုးပြုသည်။ အမျိုးသားကျန်းမာရေးဝန်ကြီးဌာနမှ ရုံးဝန်ထမ်းများ “အထိုင်များခြင်းကို ရှောင်ရှားပြီး လေ့ကျင့်ခန်းလုပ်ကြပါစို့”ဆိုသည့်အတိုင်း ရုံးတက်ချိန်ဖြစ်စေ သို့မဟုတ် အိမ်တွင်ရှိနေချိန်ဖြစ်စေ ခန္ဓာကိုယ်လှုပ်ရှားမှုကို ဘဝရဲ့ တစ်စိတ်တစ်ပိုင်းအဖြစ် ထည့်သွင်းလုပ်ဆောင်ကြဖို့ ပြောကြားထားသည်။