• 地點:臺灣
• 發布日期: 2023/12/14
• 單位:內政部移民署
• 更新日期:2023/12/14
• 點閱次數:23

က။ လှုပ်ရှားမှု အမည်

ကျား-မ တန်းတူညီမျှမှုရှိရေး ဥပဒေ (၃) မျိုးနှင့် ပတ်သက်သည့် မေးခွန်းများ

ခ။ လှုပ်ရှားမှု အချိန်ကာလ

(၁) လှုပ်ရှားမှု အချိန် - ၂၀၂၃ ခုနှစ် နိုဝင်ဘာလ ၁၄ ရက်နေ့ မှ ၂၀၂၃ ခုနှစ် ဒီဇင်ဘာလ ၃ ရက်နေ့ ထိ

(၂) လှုပ်ရှားမှု အွန်လိုင်းပေါ်သို့ ရောက်ရှိသည့်အချိန် - ၂၀၂၃ ခုနှစ် နိုဝင်ဘာလ ၁၄ ရက်နေ့

(၃) ဆုရရှိသူများ ကြေညာသည့်နေ့ - ၂၀၂၃ ခုနှစ် ဒီဇင်ဘာလ ၆ ရက်နေ့

ဂ။ လှုပ်ရှားမှု ဖော်ပြချက်

ပ‌ဟေဠိဂိမ်းမှတဆင့် အများပြည်သူများအနေဖြင့် ကျား-မ တန်းတူညီမျှမှုရှိရေး ဥပဒေ (၃) မျိုး ပြဌာန်းခြင်းနှင့် ပတ်သက်သည့် အကြောင်းအရာများ သိရှိနားလည်မှုကို မြှင့်တင်ပေးရုံသာမက အစိုးရ၏ ကျား-မ တန်းတူညီမျှမှုရှိရေး မူဝါဒများကို မြှင့်တင်ခြင်းဆိုင်ရာ ရည်ရွယ်ချက်နှင့် အောင်မြင်မှုများကို နားလည်စေနိုင်သည်။ IFI Network+ တွင်လည်း လူတိုင်းနီးပါး အလွယ်တကူ နားလည်နိုင်သည့် အချက်အလက်များကို ထည့်သွင်းပေးခြင်းအားဖြင့် အများပြည်သူများအနေဖြင့်လည်း အဆိုပါ ဝဘ်ဆိုက်၏ လက်တွေ့ကျမှုနှင့် အဆင်ပြေမှုများကိုပါ  ရရှိစေနိုင်မည်ဖြစ်သည်။

ဃ။ မေးခွန်းပုံစံ ဖန်တီးမှု

စုစုပေါင်း မေးခွန်း လေးခု ရှိပြီး မေးခွန်းများနှင့် အဖြေများမှာ အောက်ပါအတိုင်းဖြစ်သည်။

မေးခွန်း 1 – “ကျား-မ တန်းတူညီမျှ အလုပ်လုပ်ကိုင်ခွင့်ရှိရေး ဥပဒေ” ၏ မူလနာမည်မှာ “ကျား-မ တန်းတူညီမျှ အလုပ်လုပ်ကိုင်ခွင့်ရှိရေး ဥပဒေ” ဖြစ်သည်။ ဦးစီးဌာနမှာ အလုပ်သမားဝန်ကြီးဌာန ဖြစ်သည်။ အကျုံးဝင်သည့်နေရာမှာ အလုပ်ခွင် (အလုပ်တက်ချိန်၊ ဆင်းချိန် မခွဲခြားပါ) ဖြစ်ပြီး အကျုံးဝင်သည့် လူပုဂ္ဂိုလ်မှာ အလုပ်ရှင်၊ အလုပ်သမား (အလုပ်သင်အပါအဝင်) ဖြစ်သည်။

အဖြေ 1 - ဟုတ်ပါသည်။

မေးခွန်း 2 – “ကျား-မ တန်းတူညီမျှ ပညာဆည်းပူးခွင့်ရှိရေး ဥပဒေ” ၏ ဦးစီးဌာနမှာ ပညာရေးဝန်ကြီးဌာန ဖြစ်သည်။ အကျုံးဝင်သည့်နေရာမှာ ကျောင်းဝင်း အတွင်းဖြစ်ပြီး အကျုံးဝင်သည့် လူပုဂ္ဂိုလ်မှာ တစ်ဘက်တွင် ကျောင်းအုပ်ရေး၊ သင်ကြားရေးဝန်ထမ်း ဆရာ၊ ဆရာမများ၊ ကျောင်းသူကျောင်းသားများ နှင့် တစ်ဘက်တွင် ကျောင်းသားကျောင်းသူများ ဖြစ်သည်။

အဖြေ 2 - ဟုတ်ပါသည်။

မေးခွန်း 3 – “လိင်ပိုင်းဆိုင်ရာ နှောက်ယှက်မှု ကာကွယ်ရေးနှင့် ထိန်းချုပ်ရေး ဥပဒေ” ၏ ဦးစီးဌာနမှာ ကျန်းမာရေးနှင့် လူမှုဖူလုံရေး ဝန်ကြီးဌာန ဖြစ်သည်။ အကျုံးဝင်သည့်နေရာမှာ အများပြည်သူပိုင်နေရာနှင့် အခြားနေရာများ ဖြစ်ပြီး အကျုံးဝင်သည့် လူပုဂ္ဂိုလ်မှာ နှစ်ဦးနှစ်ဘက်တွင် တိကျသော ဆက်ဆံရေးမရှိသူများ ဖြစ်သည်။

အဖြေ 3 - ဟုတ်ပါသည်။

မေးခွန်း 4 - ကျေးဇူးပြု၍ အထက်ဖော်ပြပါ ကျား-မ တန်းတူညီမျှမှုရှိရေး ဥပဒေ ပြောင်းလဲပြီးနောက် ဥပဒေသစ်နှင့် စနစ်သစ်၏ အဓိက ရည်မှန်းချက် သုံးချက်မှာ ဘာပါလဲ။

• ကျူးလွန်သူများအား “ထိရောက်မှု” ရှိသော ဒဏ်ခတ်အရေးယူမှုနှင့် ပြစ်ဒဏ်များကို အားကောင်းအောင် လုပ်ဆောင်မည်။

• သားကောင်ဖြစ်သွားသူများအား “ဖော်ရွေမှု” ရှိသော အခွင့်အရေး၊ အာမခံရှိရေးနှင့် ဝန်ဆောင်မှုများကို ပြီးပြည့်စုံအောင် လုပ်ဆောင်မည်။

• ကျွမ်းကျင်ပြီး “ယုံကြည်စိတ်ချနိုင်မှု” ရှိသော လိင်ပိုင်းဆိုင်ရာ နှောက်ယှက်မှုကို ကာကွယ်ရေးနှင့် ထိန်းချုပ်ရေးစနစ်ကို တည်ဆောက်မည်။

အဖြေ 4 - ဟုတ်ပါသည်။

င။ လှုပ်ရှားမှု ရလဒ်

(၁) ပါဝင်သူ အရေအတွက်

လှုပ်ရှားမှုတွင် စုစုပေါင်း 424 ဦး ပါဝင်ခဲ့သည်။

(၂) မှန်ကန်စွာ ဖြေဆိုနိုင်သူ အရေအတွက်

မေးခွန်း လေး ခုကို မှန်ကန်စွာ ဖြေဆိုနိုင်သူ အရေအတွက်မှာ 408 ဦး ဖြစ်ပြီး 96％ ရှိပါသည်။

မေးခွန်း သုံး ခုကို မှန်ကန်စွာ ဖြေဆိုနိုင်သူ အရေအတွက်မှာ 13 ဦး ဖြစ်ပြီး 3％ ရှိပါသည်။

မေးခွန်း နှစ် ခုကို မှန်ကန်စွာ ဖြေဆိုနိုင်သူ အရေအတွက်မှာ 3 ဦး ဖြစ်ပြီး 1％ ရှိပါသည်။

မေးခွန်း တစ် ခုကို မှန်ကန်စွာ ဖြေဆိုနိုင်သူ အရေအတွက်မှာ 0 ဦး ဖြစ်ပြီး 0％ ရှိပါသည်။

မေးခွန်း လေး ခုကို မှန်ကန်စွာ ဖြေဆိုနိုင်သူ၏ ရာခိုင်နှုန်းမှာ အများဆုံး ဖြစ်သည်။

(၃) လျင်မြန်စွာ ဖြေဆိုခြင်း

1~30စက္ကန့်အတွင်း စုစုပေါင်း 335 ဦး ၊ ရာခိုင်နှုန်း 79％ ။

31~60စက္ကန့် အတွင်း စုစုပေါင်း 58 ဦး ၊ ရာခိုင်နှုန်း 14％ ။

61စက္ကန့်နှင့်အထက်အတွင်း စုစုပေါင်း 31 ဦး ၊ ရာခိုင်နှုန်း 7％ ။

အဖြေကို 1~30 စက္ကန့် အတွင်း ဖြေဆိုနိုင်သူ၏ ရာခိုင်နှုန်းမှာ အများဆုံး ဖြစ်သည်။

(၄) မှားယွင်းစွာ ဖြေဆိုနိုင်မှု အရေအတွက်

မှားယွင်းစွာဖြေဆိုမှုကြိမ်ရေ 0 ကြိမ်သည်  စုစုပေါင်း 408 ဦး ၊ ရာခိုင်နှုန်း 96％ ။

မှားယွင်းစွာဖြေဆိုမှုကြိမ်ရေ 1 ကြိမ်  သည် စုစုပေါင်း 13 ဦး ၊ ရာခိုင်နှုန်း 3％ ။

မှားယွင်းစွာဖြေဆိုမှုကြိမ်ရေ 2 ကြိမ် သည် စုစုပေါင်း 3 ဦး ၊ ရာခိုင်နှုန်း 1％ ။

အဖြေကို မှားယွင်းမှာ ဖြေဆိုသူ၏ကြိမ်ရေ 0 ကြိမ်၏ ရာခိုင်နှုန်းမှာ အများဆုံး ဖြစ်သည်။

၆။ လှုပ်ရှားမှု နိဂုံး

စစ်တမ်းရလဒ်များအရ ဖြေဆိုသူ အများစုမှာ ကျား-မ တန်းတူညီမျှမှုရှိရေး ဥပဒေ (၃) မျိုးခေါင်းစဥ်နှင့်ပတ်သက်ပြီး ကောင်းမွန်စွာ နားလည်သိရှိထားသည်ကို တွေ့ရှိရပြီး အဖြေများကို မှန်ကန်စွာ ဖြေဆိုနိုင်ခြင်း၊ လျင်မြန်စွာ ဖြေဆိုနိုင်ခြင်းနှင့် မှားယွင်းသည့်အကြိမ်အရေနည်းခြင်းတို့ကို တွေ့မြင်ရပါသည်။ ဤသည်မှာ ဖြေဆိုထားသူများအနေဖြင့် အဆိုပါခေါင်းစဥ်ကို ကျယ်ပြန့်စွာ၊ လျင်မြန်စွာနားလည်သိရှိထားသည်ကို ထင်ဟပ်စေပါသည်။ ထိုအထဲတွင် မှန်ကန်စွာ ဖြေဆိုနိုင်ခြင်းမရှိသူ အနည်းငယ် ရှိပါသည်။ အနာဂတ်တွင် IFI Network+ ဝဘ်ဆိုက်၏ လှုပ်ရှားမှုပရိုမိုးရှင်းနှင့် လူအများသိရှိမြင်သာလာစေရန် တိုးမြှင့်ခြင်းတို့မှတဆင့် အများပြည်သူများအနေဖြင့် ကျား-မ တန်းတူညီမျှမှုရှိရေး ဥပဒေ (၃) မျိုးအပေါ် နားလည်သိရှိစေမည်။ ထို့အပြင် ကျယ်ပြန့်စွာ နားလည်မှုနှင့် ပံ့ပိုးမှုတို့ကိုလည်း သေချာစေမည်။ အကျဉ်းချုပ်အားဖြင့် ဤစစ်တမ်းသည် ကျား-မ တန်းတူညီမျှမှုရှိရေး ဥပဒေ (၃) မျိုးခေါင်းစဥ်အပေါ် အများပြည်သူများ၏ ကောင်းမွန်သော နားလည်သိရှိမှုကို ဖော်ပြထားသည့်အပြင် အနာဂတ်တွင်လည်း နောက်ဆက်တွဲပညာရေးနှင့် မြှင့်တင်ရေးဆိုင်ရာ လမ်းညွှန်ချက်များကို အထောက်အပံ့ပြုထားသေးသည်။