နိုင်ငံသားမှတ်ပုံတင်ကတ်ပြားပုံစံကို ကိုးကား၍ သက်သေခံကတ်ပြားနံပါတ်ကုဒ် ဆောင်ရွက်ခြင်းဖြင့် လူထု ၁ သန်းနီးပါးကို အကျိုးခံစားရစေသည်။
- 地點:Taiwan
- 發布日期:
- 單位:內政部移民署
- 更新日期:2020/11/03
- 點閱次數:418
၁။
လက်ရှိအသုံးပြုနေသော ပြင်ပဒေသမှလာရောက်သူများအတွက် သက်သေခံကတ်ပြားနံပါတ်သည် နိုင်ငံသားမှတ်ပုံတင်နံပါတ်နှင့် ပုံစံမတူသဖြင့် ပြင်ပဒေသမှလာရောက်သူများသည် အွန်လိုင်းမှတစ်ဆင့်စျေးဝယ်ခြင်း၊ လက်မှတ်ကြိုတင်ဝယ်ယူခြင်း၊ ဆေးကုသရန် တိုကင်ယူခြင်း စသည့်လုပ်ငန်းစဉ်များကို လွယ်ကူအဆင်ပြေစွာ ဆောင်ရွက်နိုင်ခြင်းမရှိပေ။ သို့ဖြစ်ရာ ထိုင်ဝမ် ဥရောပကုန်သည်ကြီးများအသင်းသည် နှစ်စဉ်ထုတ်ဝေသည့် စက္ကူဖြူစာတမ်း (White Paper) ၌ အစိုးရအဖွဲ့အစည်းထံ သက်ဆိုင်ရာအရေးကိစ္စကို အကြိမ်ကြိမ်အဆိုပြုလျက်ရှိသည်။
၂။
ပြင်ပဒေသမှလာရောက်သူများအတွက် ကောင်းမွန်သောပတ်ဝန်းကျင် ဖန်တီးနိုင်ရေးအတွက် လူဝင်မှုကြီးကြပ်ရေးဌာနသည် ထိုင်ဝမ် ဥရောပကုန်သည်ကြီးများ အသင်း၏ အကြံပြုချက်များကို မှီငြမ်း၍ “အင်္ဂလိပ်အက္ခရာ ၂ လုံး+ကိန်းဂဏန်း ၈ လုံး” ပါ ပြင်ပဒေသမှလာရောက်သူများအတွက် တပြေးညီသက်သေခံကတ်ပြားနံပါတ်ကို အသုံးပြုပါမည်။ နိုင်ငံသားမှတ်ပုံတင်နံပါတ်ပါ “အင်္ဂလိပ်အက္ခရာ ၁ လုံး+ကိန်းဂဏန်း ၉ လုံး” ကို ကိုးကား၍ ကုဒ်နံပါတ်ကို မူအားဖြင့် ပြင်ဆင်ပါမည်။ (အောက်တွင် ပုံစံသစ်နံပါတ်ဟု အတိုကောက် ခေါ်တွင်မည်)
၃။
အနာဂတ်တွင် နိုင်ငံသားမှတ်ပုံတင်ကို ကိုးကားထားသည့် ပုံစံသစ်သက်သေခံကတ်ပြားနံပါတ်၏ ကုဒ်ပုံစံ ပြင်ဆင်ပြီးပါက ပြင်ပဒေသမှလာရောက်သူများအား အွန်လိုင်းမှတစ်ဆင့်စျေးဝယ်ခြင်း၊ လက်မှတ်ကြိုတင်ဝယ်ယူခြင်း၊ ဆေးကုသရန် တိုကင်ယူခြင်း စသည့်လုပ်ငန်းစဉ်များကို ပိုမိုအဆင်ပြေချောမွေ့စွာ ဆောင်ရွက်နိုင်စေမည်သာမက အစိုးရကိုယ်စား ပြင်ပဒေသမှလာရောက်သူများ ထိုင်ဝမ်၌ နေထိုင်ရေးအဆင်ပြေစေရေးရည်မှန်းချက်ကို ဆက်တိုက်ကြိုးပမ်းမြှင့်တင်ပေးရာလည်း ရောက်ပါသည်။