ယာဥ်မတော်တဆမှုဒေတာအချက်အလက်ကို အွန်လိုင်းတွင် ဒေါင်းလုဒ်လုပ်ခြင်း ၊ ကျန်းမာရေးအာမခံကတ်အတည်ပြုခြင်းကို အသစ်ထည့်သွင်းထားခြင်း
- နေရာ:臺灣
- ရကျစှဲ:
- အာဏာပိုင်:
- နောကျဆုံးအခွအေနေ:2024/03/20
- hit:33
ယာဥ်မတော်တဆမှုနှင့်ပတ်သက်ပြီး ဖျန်ဖြေပေးခြင်း၊ စစ်ဆေးဖော်ထုတ်ခြင်းနှင့် တရားစွဲဆိုခြင်းဆိုင်ရာ လိုအပ်ချက်များအတွက် အများပြည်သူများ ပို၍လွယ်ကူချောမွေ့စေရန် ပြည်ထဲရေးဝန်ကြီးဌာနလက်အောက်ရှိ ရဲဌာန “လမ်းမပေါ်တွင် ဖြစ်ပွားခဲ့သော မတော်တဆမှုဆိုင်ရာ အချက်အလက်များကို ရယူလျှောက်ထားရန်စနစ်” (ဝဘ်ဆိုက် - https://tm2.npa.gov.tw/NM105-505ClientRWD2/TM02A01Q_01.jsp) ကို ယခုနှစ် ဖေဖော်ဝါရီလ 2024 ခုနှစ် ဖေဖော်ဝါရီလမှ အွန်လိုင်းတွင် အတည်ပြုရေးစနစ်ဖြင့် လျှောက်လွှာတင်ခြင်းကို စတင်ခဲ့သည်။ လက်ရှိတွင် ဒစ်ဂျစ်တယ်နိုင်ငံသားသက်သေခံလက်မှတ် (Citizen Digital Certificate) ရှိပြီးသူအပြင် ကျန်းမာရေးအာမခံကတ်ပြား (ကတ်ဖတ်စက် သို့မဟုတ် မိုဘိုင်းဖုန်းနံပါတ်) တို့ကို အသစ်ဖြည့်သွင်းထားသည်။ အများပြည်သူအနေဖြင့် အိမ်တွင် အင်တာနက်ရှိရုံဖြင့် အွန်လိုင်းတွင် အတည်ပြုခြင်းကို လုပ်ဆောင်နိုင်ပြီး ထိခိုက်သေဆုံးသူများ ပါဝင်သည့် ယာဥ်မတော်တဆ အခင်းဖြစ်ရာ နေရာပုံများ၊ ဓာတ်ပုံများနှင့် ကနဦး ခွဲခြမ်းစိတ်ဖြာမှုဒေတာအချက်အလက်များကို ဒေါင်းလုခ်ရယူနိုင်သဖြင့် အလွန် အဆင်ပြေပါသည်။
ပြည်ထဲရေးဝန်ကြီးဌာနမှ အများပြည်သူအနေဖြင့် လမ်းပေါ်တွင် ယာဥ်မတော်တဆမှု ဖြစ်ပွားပါက “လမ်းမပေါ်တွင် မတော်တဆဖြစ်ပွားမှုကို ကိုင်တွယ်ဖြေရှင်းသည့် ဥပဒေ” ပုဒ်မ 13 အရ ကာယကံရှင် သို့မဟုတ် ၎င်း၏ ပတ်သက်မှုရှိသောသူတို့သည် အခင်းဖြစ်ပွားပြီးနောက် 7 ရက်အကြာတွင် ကိုင်တွယ်ဖြေရှင်းပေးသည့် အဖွဲ့အစည်းထံ လမ်းပေါ်တွင်ဖြစ်ပွားခဲ့သော ယာဥ်မတော်တဆမှုဖြစ်ပွားရာ ပုံနှင့် ဓာတ်ပုံများကို ကြည့်ရှုရန် လျှောက်ထားနိုင်သည်။ မတော်တဆမှုဖြစ်ပွားပြီးနောက် 30 ရက်အကြာတွင် မတော်တဆမှု ကနဦး ခွဲခြမ်းစိတ်ဖြာမှုဒေတာအချက်အလက်များကို ရယူရန် လျှောက်ထားနိုင်သည်။
ပြည်ထဲရေးဝန်ကြီးဌာနမှ အများပြည်သူများ ယာဥ်မတော်တဆမှုနှင့် ပတ်သက်သော အချက်အလက်များကို လျှောက်ထားရာတွင် အဆင်ပြေချောမွေ့စေရန် စာဖြင့်လျှောက်ထားခြင်းအပြင် ရဲဌာနတွင် 2003 ခုနှစ်တွင် “လမ်းမပေါ်တွင် ဖြစ်ပွားခဲ့သော မတော်တဆမှုဆိုင်ရာ အချက်အလက်များကို ရယူလျှောက်ထားရန်စနစ်”ကို အကောင်အထည်ဖော်ခဲ့ကြောင်း ဖော်ပြထားသည်။ အများပြည်သူများ အွန်လိုင်းပေါ်တွင် လျှောက်ထားနိုင်ပြီး နီးစပ်ရာ ရဲဌာနများတွင် စာရွက်စာတမ်းများကို ထုတ်ယူနိုင်ပြီး 2017 ခုနှစ် စက်တင်ဘာလမှ စတင်၍ အွန်လိုင်းပေါ်တွင် ဒစ်ဂျစ်တယ်နိုင်ငံသားသက်သေခံလက်မှတ် လျှောက်ထားခြင်းနှင့် အီလက်ထရောနစ်ဒေတာများ ဒေါင်းလုခ်လုပ်ခြင်းကို စတင်ခဲ့သည်။ ပြီးခဲ့သည့် 3 နှစ်အတွင်း (2020 ခုနှစ်မှ 2022 ခုနှစ်အတွင်း) လျှောက်ထားသူပေါင်း 392, 971 ခု ရှိခဲ့ပြီး တစ်လလျှင် လျှောက်ထားသူ ပျမ်းမျှ 10,915 ခု ရှိခဲ့သည်။ ထို့အပြင် ပြီးခဲ့သည့် (2023) ခုနှစ်တွင် 195, 607 ခု လျှောက်ထားခဲ့ပြီး တစ်လလျှင် လျှောက်ထားသူ ပျမ်းမျှ 16, 301 ခု ရှိခဲ့သည်။ ပြီးခဲ့သည့် 3 နှစ်ထက် တစ်လလျှင် ပျမ်းမျှ စနစ်ကို အသုံးပြုပြီး လျှောက်ထားနှုန်းသည် လျင်မြန်စွာ 49% မြှင့်တက်လာခဲ့သည်။ ဤသည်ကို ကြည့်ခြင်းဖြင့် အင်တာနက်တွင် လျှောက်ထားသူအရေအတွက်သည် သိသိသာသာ တိုးမြှင့်လာသည်ကို သိရှိရသည်။
အများပြည်သူများ မတူကွဲပြားသော နည်းလမ်းများဖြင့် လျှောက်လွှာတင်သွင်းနိုင်ရန် ယခုနှစ် ဖေဖော်ဝါရီလမှ စတင်ပြီး ကျန်းမာရေးအာမခံကတ်ဖြင့် အွန်လိုင်းတွင် အတည်ပြုခြင်းရလဒ်ကို ဖြည့်စွက်ထားသည်။ အကယ်၍ လျှောက်ထားခြင်း သို့မဟုတ် ထုတ်ပေးခြင်းနှင့်ပတ်သက်၍ သံသယရှိပါက သက်ဆိုင်ရာ ရဲဌာနများတွင် စုံစမ်းစစ်ဆေးတိုင်ပင်နိုင်ပါသည်။
ပြည်ထဲရေးဝန်ကြီးဌာနမှ လမ်းအသုံးပြုသူများအနေဖြင့် ယာဥ်စည်းကမ်းလိုက်နာပြီး ယာဥ်မတော်တဆဖြစ်ပွားခြင်းမှ ရှောင်ရှားနိုင်ရန် ဂရုတစိုက် မောင်းနှင်ရန် လိုအပ်ကြောင်း သတိပေးထားသည်။ အကယ်၍ ယာဥ်မတော်တဆမှု ဖြစ်ပွားပါက ထိတ်လန့်ဖြစ်ပွားရန် မလိုအပ်ဘဲ ရဲတပ်ဖွဲ့အား လာရောက်ရန် အကြောင်းကြားခြင်းအပြင် ယာဥ်မတော်တဆမှုဖောင်ပေါ်တွင်ရှိသော ကာယကံရှင်သိကောင်းစရာကို အသေးစိတ် ဖတ်ရှုနိုင်ပြီး သက်ဆိုင်ရာ အထောက်အထားလျှောက်ထားခြင်းနှင့် ကိုယ်ပိုင်အခွင့်အရေးများ ကာကွယ်ခြင်းကို လုပ်ဆောင်နိုင်သည်။