• နေရာ:臺灣
• ရကျစှဲ: 2023/07/12
• အာဏာပိုင်:
• နောကျဆုံးအခွအေနေ:2023/07/12
• hit:40

ယခင် ပြည်တွင်းပြည်ပ လေ့လာတွေ့ရှိချက်များအရ နာမည်ကျော်ကြားသူများ မိမိကိုယ်ကို အဆုံးစီရင်မှု (သတ်သေမှု) များကို မီဒီယာများက ကျယ်ကျယ်ပြန့်ပြန့် ဖော်ပြခဲ့ကြပြီး မိမိကိုယ်ကို သတ်သေမှုနှုန်းမှာ အချိန်တိုအတွင်း တိုးလာနိုင်ကြောင်းကိုလည်း တွေ့ရှိရသည်။ မီဒီယာများမှ မိမိကိုယ်ကို အဆုံးစီရင်ရသည့် နည်းလမ်းအသေးစိတ် အချက်အလက်များ၊ စိတ်လှုပ်ရှားဖွယ်ကောင်းသော ခေါင်းစဥ်များ သို့မဟုတ် ရုပ်ပုံများအသုံးပြု၍ ဖော်ပြခြင်း၊ မိမိကိုယ်ကို အဆုံးစီရင်ရန် လှုံ့ဆော်ခြင်း သို့မဟုတ် အဆုံးစီရင်ခြင်းဆိုင်ရာ ဆောင်းပါးများကို အမွှန်းတင်ခြင်းကို ထပ်ခါတလဲလဲနှင့် အကျယ်တဝင့် ဖော်ပြခြင်းတို့ကြောင့် မိမိကိုယ်ကို အဆုံးစီရင်လိုသူများ တိုးမြှင့်လာနိုင်သည့် အန္တရာယ်ရှိလာသည်။ သို့ဖြစ်ပါ၍ တိုတိုတုတ်တုတ်နှင့် ရှင်းရှင်းလင်းလင်းသာ ဖော်ပြသင့်သည်။ ဤနည်းဖြင့် မိမိကိုယ်ကို သတ်သေလိုသူများ အကူအညီလိုအပ်လာပါက အကူအညီတောင်းခံလာတတ်စေနိုင်သည်။

ကမ္ဘာ့ကျန်းမာရေးအဖွဲ့ (WHO) ၏ အကြံပြုချက်အရ မိမိကိုယ်ကို အဆုံးစီရင်ကြသည့် ဆောင်းပါးများကို ဖော်ပြရာတွင် "မလုပ်သင့်သော အချက် 6 ချက်နှင့် လုပ်သင့်သော အချက် 6 ချက်" မူဝါဒများကို အောက်ပါအတိုင်း ဖော်ပြထားသည်။

“မလုပ်သင့်သော အချက် 6 ချက်” –

ဓာတ်ပုံ သို့မဟုတ် သတ်သေပြီးနောက် သေတမ်းစာများကို မတင်ပါနှင့်။

သေကြောင်းကြံစည်မှုနည်းလမ်း အသေးစိတ်များကို မဖော်ပြပါနှင့်။

မိမိကိုယ်ကိုအဆုံးစီရင်ရသည့် အကြောင်းအရင်းကို ရိုးရိုးရှင်းရှင်း မတင်ပါနှင့်။

မိမိကိုယ်ကိုအဆုံးစီရင်ခြင်းကို ဂုဏ်ပြုခြင်း သို့မဟုတ် အာရုံစူးစိုက်မှု ဖြစ်စေခြင်းများ မပြုလုပ်ပါနှင့်။

ဘာသာတရား သို့မဟုတ် ယဥ်ကျေးမှုဆိုင်ရာ အယူအဆများကို အဓိပ္ပါယ်ဖွင့်ဆိုခြင်းများ မပြုလုပ်ပါနှင့်။

လွန်ကဲစွာ အပြစ်တင်ခြင်းများလည်း မပြုလုပ်ပါနှင့်။

“လုပ်သင့်သော အချက် 6 ချက်” - 

ဖြစ်ပျက်မှုများကို တင်ပြသည့်အခါ ကျန်းမာရေးစောင့်ရှောက်မှုနှင့်ဆက်စပ်သော ကျွမ်းကျင်သူများနှင့် အနီးကပ် ဆွေးနွေးပါ။

မိမိကိုယ်ကို အဆုံးစီရင်ခြင်းကို ရည်ညွှန်းသည့်အခါ “သေကြောင်းကြံ၍ သေဆုံးခြင်း” စာသားကိုသာ အသုံးပြုသင့်ပြီး “အောင်မြင်သော သေကြောင်းကြံခြင်း” စာသားကို အသုံးမပြုသင့်ပါ။

သက်ဆိုင်ရာအချက်အလက်များကို သတင်းစာမျက်နှာဖုံးတွင် မဖော်ပြဘဲ အတွင်းစာမျက်နှာများတွင်သာ ဖော်ပြပါ။

မိမိကိုယ်ကို အဆုံးစီရင်ခြင်းမပါဝင်သော တခြားနည်းလမ်းများဖြင့် ပြဿနာဖြေရှင်းခြင်းများကို မီးမောင်းထိုးပြပါ။

မိမိကိုယ်ကို အဆုံးစီရင်ခြင်းမှ ကာကွယ်ခြင်းဆိုင်ရာ အကူအညီဖုန်းလိုင်းများနှင့် ရပ်ရွာအရင်းအမြစ်များကို ပံ့ပိုးပေးပါ။

ဖြစ်နိုင်ခြေရှိသော အန္တရာယ်များနှင့် သတိပေးလက္ခဏာများပါဝင်သော အကြောင်းအရာများကို တင်ပြပါ။

မည်သူမဆို စိတ်ဓာတ်ကျခြင်းကဲ့သို့သော စိတ်ပိုင်းဆိုင်ရာ တုံ့ပြန်မှုများကို တွေ့ကြုံခံစားနိုင်ပါသည်။ အကယ်၍ ပြည်သူများအနေဖြင့် မိမိကိုယ်တိုင် သို့မဟုတ် ဘေးပတ်ဝန်းကျင်တွင် ရှိသူများ မိမိကိုယ်ကို အဆုံးစီရင်ရန် အကြံစည်များ ရှိသည်ကို တွေ့ရှိရပါက မိမိကိုယ်ကို အဆုံးစီရင်မှု တားဆီးရေးနည်းလမ်းများ (တစ် - မေးမြန်းခြင်း ၊ နှစ် - တုံ့ပြန်ခြင်း - သုံး - ကိုးကာခြင်း) ကို အသုံးပြုပါ။ မိမိကိုယ်တိုင် သို့မဟုတ် ဘေးပတ်ဝန်းကျင်တွင် ရှိကြသော ဆွေမျိုးများနှင့် သူငယ်ချင်းများ၏ ခန္ဓာကိုယ်နှင့် စိတ်ပိုင်းဆိုင်ရာ ကျန်းမာရေးကို ဂရုစိုက်ပါ။ ဆေး သို့မဟုတ် စိတ်ရောဂါဆိုင်ရာ ကျွမ်းကျင်မှုဆိုင်ရာ အကူအညီများကို ချက်ချင်းရယူပါ။ အကူအညီပေးနိုင်သော ဖုန်းလိုင်း (စိတ်ပိုင်းဆိုင်ရာ ငြိမ်သက်မှုအတွက် ဖုန်းလိုင်း 1925၊ အသက်ကြောအတွက် ဖုန်းလိုင်း 1995၊ ဆရာ Zhang အတွက် 1980) များကိုလည်း ဆက်သွယ်မေးမြန်းနိုင်ပါသည်။ တစ်ချိန်တည်းမှာပင် စိတ်ဓာတ်ကျနေကြတဲ့ ဆွေမျိုးမိတ်ဆွေတွေနဲ့ ထိတွေ့ဆက်ဆံတဲ့အခါ အရေးအကြီးဆုံးက “ရပ်၊ ကြည့်၊ နားထောင်” ဆိုတဲ့ ဆောင်ပုဒ်နဲ့အညီ မိမိ လုပ်နေတဲ့အရာတွေကို ရပ်တန့်ပြီး ဘေးနားက သူငယ်ချင်းကို ကြည့်ပြီး သူပြောတာတွေကို သေသေချာချာနားထောင်ပြီး ကောင်းမွန်စွာ ပြောဆိုဆက်ဆံပေးပါလို့ မေတ္တာရပ်ခံချင်ပါတယ်။ ထို့အပြင် ထပ်ပြီး မိမိကိုယ်ကိုအဆုံးစီရင်သွားကြသူများ၏ မိသားစုဝင်များနှင့် သူငယ်ချင်းများကို လေးစားကြဖို့နှင့် ချဲ့ကားပြီး မပြောဆိုကြဖို့ကိုလည်း မေတ္တာရပ်ခံချင်ပါတယ်။