ពិនិត្យឱ្យបានម៉ឺងម៉ាត់ជាមួយសុវត្ថិភាពប្រជាជនចំណូលថ្មី! ស្ថានីយ៍យានយន្តម៉ូតូសង្កាត់ កៃស៊ីង ស៊ីសាន ផ្តល់ការណែនាំក្នុងការប្រលងយកប័ណ្ណបើកបរ
- ទីកន្លែង:南部
- កាលបរិច្ឆេទនៃការដោះលែង:
- កាលបរិច្ឆេទនៃការបន្ត:2020/08/07
- ពេលវេលានៃការចុច:771
ក្នុងឆ្នាំ 2020 តៃវ៉ាន់ គឺជាសង្គមដែលមានចម្រុះជាតិសាសន៍បំផុត។ ក្នុងចំណោមក្រុមជនជាតិភាគតិចទាំងនោះប្រជាជនចំណូលថ្មីគឺមិនមានភាពគ្រប់គ្រាន់ទេ។ ដើម្បីជួយពួកគេយ៉ាងសកម្មដោះស្រាយបញ្ហាតំរូវការនៃការធ្វើដំណើរក្នុងជីវិតប្រចាំថ្ងៃបង្កើនភាពងាយស្រួលក្នុងជីវិត និងផ្តល់ឱ្យពួកគេរៀនអំពីច្បាប់ចរាចរណ៍ និងចំណេះដឹងដែលទាក់ទង និងការយល់ដឹងទូទៅនៃការបើកបរដោយសុវត្ថិភាពនៅតៃវ៉ាន់ស្ថានីយ៍យានយន្តសង្កាត់ កៃស៊ីង ស៊ីសាន (Cishan District) ថ្មីៗនេះ បានឧបត្ថម្ភវគ្គសិក្សាដែលមានការព្រួយបារម្ភសម្រាប់ប្រជាជនចំណូលថ្មីនៅពេលពួកគេប្រលងយកប័ណ្ណបើកបរ។លោក Yang Cai-hui ប្រធានស្ថានីយ៍យានយន្តសង្កាត់ស៊ីសាននៃទីក្រុងកៃស៊ីង (Cishan District Motor Vehicle Station of Kaohsiung) បាននិយាយថាវាពិតជាលំបាកណាស់សម្រាប់ប្រជាជនចំណូលថ្មីក្នុងការប្រលងយកប័ណ្ណបើកបរ ពីព្រោះពួកគេមិនសូវចេះភាសាតៃវ៉ាន់។ ប្រសិនបើនរណាម្នាក់បើកបរដោយគ្មានប័ណ្ណបើកបរ គាត់នឹងត្រូវពិន័យចាប់ពី NT$ 6,000 ទៅ NT$ 12,000 ស្របតាមបទប្បញ្ញត្តិដែលត្រូវបានចាត់ទុកថាមិនមានការប្រុងប្រយ័ត្នបំផុតសម្រាប់អ្នកដែលនឹងត្រូវទទួលទណ្ឌកម្មទោះបីជាត្រូវបានរងគ្រោះថ្នាក់ដោយគេបុកក៏ដោយ។ ដើម្បីជួយដល់ប្រជាជនចំណូលថ្មីក្នុងការទទួលបានប័ណ្ណបើកបរ, "ថ្នាក់ណែនាំសម្រាប់ប្រជាជនចំណូលថ្មីដែលប្រលងបើកបរម៉ូតូ" ត្រូវបានធ្វើឡើងជាពិសេសដើម្បីបង្រៀនអំពីទ្រឹស្តីសុវត្ថិភាពនៃការបើកបរ ក៏ដូចជាច្បាប់ស្តីពីសុវត្ថិភាពចរាចរណ៍ និងអំពីប្រតិបត្តិការកុំព្យូទ័រសម្រាប់ចម្លើយ។ ទន្ទឹមនឹងនេះ ថ្នាក់នេះក៏នឹងជួយដល់ប្រជាជនចំណូលថ្មីក្នុងការទាញយក “កម្មវិធីកម្រងសំនួរម្រាប់ការប្រឡងបើកបរម៉ូតូ” ។ សម្រាប់អ្នកដែលមិនចេះភាសាចិនច្បាស់ ពួកគេអាចជ្រើសរើសអនុវត្តតាមកម្មវិធីកម្រងសំនួរជាភាសាកំណើតរបស់ពួកគេ ដូច្នេះប្រជាជនចំណូលថ្មីអាចអនុវត្ត និងសាកល្បងធ្វើតេស្តម្តងហើយម្តងទៀត ដោយមិនចាំបាច់មានកំណត់ពេលវេលា និងទីកន្លែង។ ប្រជាជនចំណូលថ្មីដែលត្រូវការសេវាកម្ម ត្រូវបានស្វាគមន៍ក្នុងការចុះឈ្មោះតាមរយៈលេខទូរស័ព្ទ 07-6613711 នៅផ្នែកបន្ថែមលេខ 201 ហើយស្នើសុំប្រធានផ្នែក Jan។កញ្ញា Chen ដែលជាប្រជាជនចំណូលថ្មីមកពីប្រទេសវៀតណាម បាននិយាយថានាងបានប្រឡងយកប័ណ្ណបើកបរម៉ូតូចំនួន 2 លើករួចមកហើយ។ ដោយសារតែនាងមិនអាចអានសំណួរប្រលងសរសេរ ជាហេតុធ្វើឱ្យនាងមិនមានទំនុកចិត្តថានាងអាចប្រលងជាប់បាន។ កាលពីមុន នាងបានសម្រេចចិត្តបង់បោះការប្រឡង ហើយនឹងមិនធ្វើតេស្តទៀតទេ។ តែសំណាងល្អ ដោយមានការណែនាំ និងការលើកទឹកចិត្តពីស្ថានីយ៍យានយន្តសង្កាត់ស៊ីសាន (Cishan District Motor Vehicle Station) ទើបនាងអាចប្រលងជាប់ និងទទួលបានប័ណ្ណបើកបរយ៉ាងសប្បាយរីករាយ។